Rehamyat by Reham Zahran

السماء تمطر بقوة و كأن سفينة نوح توشك على الإبحار.. تختبيء تحت غطائها على سريرها ..كطفل يختبيء في ظلام غرفته خوفا من شبح قد يظهر ليهاجمه . ليعاقبه على ذنب لم يقترفه.. ليذيقه بعضا من الألم بلا سبب. لكن صوت الرعد كان قويا .. وكأنما السماء توشك أن تسقط على الأرض .. اختلط صوت الرعد بأصوات صرخات جعلتها تشعرأنها ليلتها الأخيرة على الأرض .. يرتجف قلبها و تتسارع أنفاسها .. فجأة تأتي يد لترفع الغطاء عن جسدها النحيل .. وجه عابس و عينان توشكان أن تطلقا شررا أو نيرانا و ربما رصاصة تستقر في منتصف رأسها.. يُرمى الغطاء يمينا .. و ترتفع اليد لتهوي بقوة في اتجاه وجهها.. تغمض عينيها و تتسارع أنفاسها و يوشك نبضها أن يتوقف .. تفتح عينيها فإذا هي في غرفتها.. تلقي نظرة على شباكها فإذا بنسمة لطيفة تداعب وجهها.. تنظر لمكتبها فتجد كتبها وبضع أوراق تخص عملها .. تتنفس بعمق .. "ياله من كابوس " .. يومها ما بين عمل ناجح وكثيرون يعاملونها بكل ود.. يمر اليوم سريعا كالحلم الجميل .. تعود لسريرها لتنام .. تغمض عينيها.. صوت الرعد يكاد يقتلها رعبا.. و لكن صوته وصراخه كانا أكثر رعبا من كل شيء... ل...

اتحرك القطر.. صوت محركاته فضل يعلى لحد ما غطّى على صوت الناس والدوشة حواليها.. بصّت برا الشباك.. سرحت بعيد .. اتنهدت بعمق وهمست" لحد إمتى هفضل كده يا رب؟ أنا تعبت" قطع كل دا صوت جنبها بيقول " لحد إمتى هتفضلي أيه؟" اتخضت وبصت له..  *" أفندم؟" -" احم.. أحمد .. اسمي أحمد.. كنت بسألك بتقولي لحد إمتى هتفضلي أيه؟" *" حضرتك تعرفني؟" -" بصراحة لا .. بس حسيت إنك محتاجة تتكلمي وحد يسمعك والطريق طويل فدي فرصة تتكلمي براحتك.. كوني معرفكيش دي حاجة كويسة جدا عشان مش هتتحرجي تتكلمي براحتك ومش هتشوفيني تاني." بصّت له باستغراب -" ها مقولتيش هتفضلي أيه؟" *زفير قوي .. " بعافر" -" أيه المشكلة؟" * " تعبت" -" تعرفي إن المعافرة دي معناها إنك قوية وإلا كنتي استسلمتي وبطلتي تعافري من زمان.. تعرفي كمان إنها بتديكي مناعة لحاجات كتير.." *" زي أيه؟" -"قولي لي بتعافري في أيه؟" *" بعافر عشان مستسلمش للحزن.. عشان مستسلمش لوجع قلبي .. عشا...

أنا نورين .. ن و ر ي ن .. نورين هاه نورييين . يعني مش نوران ولا نورهان ولا نورا ولا نوري ولا حتى نور .. احم احم .. انا اسفة اصل الموضوع دا بيستفزني جدا... بصو.. ممكن أعيد من الأول..  هاي .. أنا نورين ... بحب اسمي زي ماهو كده فياريت نكون متفقين على النقطة دي ... المهم.. انا مدرسة اد الدنيا .. او يعني يحاول .. بصراحة ولا اد الدنيا ولا حاجة ... انا اصلا شبرين ومش باينة من الارض والطلبة اطول مني و هاهاهاها وكل القلش الي بيتقال على الصغننين الكيوت الي زيي كده اتقالي بالتالي قولت اسبق واقوله انا .. كده كده  هتسمعوه في حكاياتي...  انا ذكية ولماحة وعاقلة جدا واحيانا ببقى على طبيعتي وساذجة جدا .. يعني على حسب الموقف .. بصراحة لا مش على حسب الموقف انا أغلب الأحيان ببقى ساذجة و مدب في الموقف الغلط لا بس ايه لماحة وذكية في اي حاجة.. متخصنيش... المهم.. انا اتخرجت من كلية التربية قسم لغة انجليزية.. اربع سنين كلية بنحت في الصخر .. بجري من البيت للمحاضرات للمكتبة للابحاث .. دمي دا بيجري فيه كرات بيضا وحمرا وابحاث حضراتكم.. اتخرجت بتقدير جيد جدا مع مرتبة الشرف....