تفاءل
العاقل المطمئن القلب هو من تناسب تفائله طرديا مع ضيقه .. يزداد الضيق فيزداد تفاؤله وأمله في الله .. حتى يصل الضيق مداه فيأتي الفرج بشتى أشكاله وكأن الله أرسل له من البشر والحجر من يربت على قلبه ويمحو حزنه ويبث فيه أملا جديدا في آت ملؤه الخير
يوميات ميييس نورين - تكتبها: ريهام زهران
أنا نورين .. ن و ر ي ن .. نورين هاه نورييين . يعني مش نوران ولا نورهان ولا نورا ولا نوري ولا حتى نور .. احم احم .. انا اسفة اصل الموضوع دا بيستفزني جدا... بصو.. ممكن أعيد من الأول.. هاي .. أنا نورين ... بحب اسمي زي ماهو كده فياريت نكون متفقين على النقطة دي ... المهم.. انا مدرسة اد الدنيا .. او يعني يحاول .. بصراحة ولا اد الدنيا ولا حاجة ... انا اصلا شبرين ومش باينة من الارض والطلبة اطول مني و هاهاهاها وكل القلش الي بيتقال على الصغننين الكيوت الي زيي كده اتقالي بالتالي قولت اسبق واقوله انا .. كده كده هتسمعوه في حكاياتي... انا ذكية ولماحة وعاقلة جدا واحيانا ببقى على طبيعتي وساذجة جدا .. يعني على حسب الموقف .. بصراحة لا مش على حسب الموقف انا أغلب الأحيان ببقى ساذجة و مدب في الموقف الغلط لا بس ايه لماحة وذكية في اي حاجة.. متخصنيش... المهم.. انا اتخرجت من كلية التربية قسم لغة انجليزية.. اربع سنين كلية بنحت في الصخر .. بجري من البيت للمحاضرات للمكتبة للابحاث .. دمي دا بيجري فيه كرات بيضا وحمرا وابحاث حضراتكم.. اتخرجت بتقدير جيد جدا مع مرتبة الشرف....
Comments
Post a Comment